संसदीय कार्यमंत्री आणि भाजपचे ज्येष्ठ नेते चंद्रकांत पाटील यांनी अधिवेशनाच्या पहिल्याच दिवशी ठाकरे गटाच्या नेत्यांची भेट घेतली, यामुळे राजकीय वर्तुळात विविध चर्चांना उधाण आले आहे. विधान परिषद विरोधी पक्षनेते अंबादास दानवे यांच्या कार्यालयात ही भेट झाली, जिथे आदित्य ठाकरे, भास्कर जाधव, अरविंद सावंत, अनिल परब आणि विनायक राऊत यांचीही उपस्थिती होती.
ही भेट नेहमीप्रमाणे अर्थसंकल्पीय अधिवेशनाच्या सुरुवातीलाच झाली. मात्र, यावेळी एक वेगळी बाब म्हणजे चंद्रकांत पाटील यांनी ठाकरे गटाच्या नेत्यांना खास गिफ्ट – चॉकलेट – दिले. विशेष म्हणजे, त्या चॉकलेटमध्ये एखादी चिठ्ठी होती का? याबद्दल चर्चेला उधाण आले आहे.
या भेटीनंतर भाजप आणि ठाकरे गटामधील राजकीय समीकरणांबद्दल नवे तर्कवितर्क लावले जात आहेत. या क्षणाचे फोटो आणि व्हिडीओ सोशल मीडियावर मोठ्या प्रमाणात व्हायरल होत आहेत, त्यामुळे ही भेट साधी शिष्टाचार भेट होती की त्यामागे काही विशेष राजकीय उद्दिष्ट होते, याबाबत विविध चर्चा रंगल्या आहेत.