राज्याचे वैद्यकीय शिक्षण मंत्री हसन मुश्रीफ यांनी वाशिम जिल्ह्याच्या पालकमंत्रिपदाचा राजीनामा दिला आहे. काही काळापूर्वी त्यांची वाशिमच्या पालकमंत्रीपदी नियुक्ती झाली होती, मात्र आता त्यांनी ही जबाबदारी सोडण्याचा निर्णय घेतला आहे.
राजीनाम्यामागचं कारण काय?
हसन मुश्रीफ हे कोल्हापूर जिल्ह्याशी संबंधित आहेत, त्यामुळे वाशिमच्या पालकमंत्रिपदावर काम करताना त्यांना काही अडचणी येत होत्या. त्यांनी हा निर्णय घेतल्यानंतर उपमुख्यमंत्री अजित पवार यांच्यासोबत चर्चा देखील केली.
नवा पालकमंत्री कोण होणार?
वाशिमच्या पालकमंत्रिपदाचा नवा जबाबदार कोण असणार, याबाबत चर्चा सुरू आहे. राष्ट्रवादी काँग्रेसचे मंत्री दत्ता भरणे यांच्याकडे सध्या कोणत्याही जिल्ह्याची जबाबदारी नाही. त्यामुळे वाशिमचे पालकमंत्रिपद त्यांच्याकडे सोपवले जाण्याची शक्यता आहे.
इतर पालकमंत्रिपदांवरही संभ्रम
हसन मुश्रीफ यांच्या राजीनाम्यामुळे रायगड आणि नाशिक जिल्ह्यांच्या पालकमंत्रिपदांचा तिढा आणखी वाढला आहे. त्यामुळे राज्य सरकार आता नव्या नियुक्त्या कशा करते, हे पाहणे महत्त्वाचे ठरणार आहे.