मस्साजोगचे सरपंच संतोष देशमुख यांच्या हत्येनंतर त्यांच्या कुटुंबीयांची राष्ट्रवादी काँग्रेस (शरद पवार गट) खासदार सुप्रिया सुळे यांनी भेट घेतली. या भेटीत त्यांनी देशमुख कुटुंबाचे सांत्वन करत, “मी तुमच्यासाठी लढेन, तुम्हाला आणि तुमच्या कुटुंबाला न्याय मिळवून देईन, हा माझा शब्द आहे,” असे आश्वासन दिले.
आईच्या डोळ्यांत अश्रू अनावर
या भेटीदरम्यान, संतोष देशमुख यांच्या आईंचा कंठ दाटला आणि त्या भावनावश झाल्या. त्यांनी म्हणताच, “माझं लेकरू कुठं शोधू? मारेकऱ्यांना लेकरं, आई-वडील नाहीत का? एकटं माणूस पाहून मारलं, त्यांना काहीच वाटलं नाही का?” त्यांच्या या शब्दांनी उपस्थितांचे डोळे पाणावले.
भावनिक संवाद आणि न्यायासाठी लढा
सुप्रिया सुळे यांनीही आईच्या वेदना समजून घेत त्यांच्या भावनांना वाट मोकळी करून दिली. त्या म्हणाल्या, “मी तुमच्या दुःखात सहभागी आहे, हा लढा आपण मिळून लढू.”
संतोष देशमुख यांच्या कुटुंबाला न्याय मिळावा, यासाठी सुप्रिया सुळे काय पावले उचलतात, याकडे आता सर्वांचे लक्ष लागले आहे.