बीड जिल्ह्यातील मस्साजोग येथील सरपंच संतोष देशमुख यांच्या हत्येनंतर सुप्रिया सुळे यांनी त्यांच्या कुटुंबीयांची भेट घेतली होती. यावेळी सुप्रिया सुळे यांनी देशमुख कुटुंबीयांना सांत्वन करून न्याय मिळवून देण्याचे आश्वासन दिले. या घटनेनंतर ओबीसी नेते लक्ष्मण हाकें यांनी तीव्र टीका केली आणि सुप्रिया सुळे यांना “बेगडी शरद पवारांची बेगडी लेक” म्हणून हिणवले.
लक्ष्मण हाकेंची आरोपांची मालिका
लक्ष्मण हाके यांनी सुप्रिया सुळे यांच्या कार्यशैलीवर सवाल उपस्थित केला. ते म्हणाले,
“मी शरद पवारांना कायम ‘बेगडी पुरोगामी नेता’ म्हणत आलो आहे आणि आता सुप्रिया सुळे हेच दाखवत आहेत. त्यांच्या मतदारसंघातच हत्या होत आहेत आणि त्या यावर काही बोलत नाहीत.”
ते पुढे म्हणाले,
“सुप्रिया सुळे यांनी इतर जातीतील हत्या पाहिल्या आहेत, पण त्यांच्या मतदारसंघातील हत्या त्यांना दिसत नाहीत. यावर राजकारण करणे हे अत्यंत चुकीचे आहे.”
रोहित पवार आणि अन्य हत्यांवर लक्ष्मण हाकेंचा सवाल
लक्ष्मण हाके यांनी रोहित पवार यांचा उल्लेख करत राजकारणावर टीका केली. ते म्हणाले,
“रोहित पवार हत्येच्या आडून राजकारण करू नका. इतर हत्यांकडे लक्ष का दिलं जात नाही?”
तसेच, वाल्मिक कराड आणि मनोज जरांगे यांच्या भेटी संदर्भातही लक्ष्मण हाकेंनी सामाजिक व राजकीय घडामोडींवर प्रश्न उपस्थित केले.