राज्याचे बंदर विकास मंत्री आणि भाजप नेते नितेश राणे यांनी काँग्रेस नेते विजय वडेट्टीवार यांच्यावर जोरदार टीका केली आहे. काँग्रेस नेत्यांमध्ये वारंवार हिंदू द्वेष दिसतो, आणि त्याचाच एक भाग विजय वडेट्टीवार असल्याचा आरोप करत राणेंनी तीव्र शब्दांत टीकास्त्र सोडले.
काय म्हणाले नितेश राणे?
- “विजय वडेट्टीवार यांची नरेंद्र महाराजांबद्दल एकेरी बोलण्याची लायकी तरी आहे का?” असा सवाल त्यांनी उपस्थित केला.
- “हिंमत असेल तर नाणीजमध्ये जाऊन नरेंद्र महाराजांबद्दल बोलून दाखवा,” असे आव्हान दिले.
- “कोकणात आले, तर कपडे फाडून परत पाठवू,” अशी आक्रमक भाषा वापरत त्यांनी वडेट्टीवारांना थेट धमकी दिली.
- “लायकी आहे तेवढंच आणि पगार आहे तेवढंच बोला, नाहीतर महाराष्ट्रात फिरणं अवघड होईल,” असा इशाराही त्यांनी दिला.
विवादाचे कारण काय?
विजय वडेट्टीवार यांनी नरेंद्र महाराजांबद्दल काही वक्तव्य केल्याने हा वाद निर्माण झाला आहे. त्यावर प्रत्युत्तर देताना नितेश राणेंनी वडेट्टीवारांच्या नेतृत्व क्षमतेवर आणि राजकीय योग्यतेवर प्रश्नचिन्ह उपस्थित केले.
राजकीय वातावरण तापलं!
या टीकेनंतर राज्यातील राजकीय वातावरण तापले असून, काँग्रेसकडून यावर काय प्रतिक्रिया दिली जाते, हे पाहणे महत्त्वाचे ठरणार आहे.