जालना जिल्ह्यात घडलेल्या क्रूर अत्याचाराच्या घटनेने राज्यात खळबळ माजवली आहे. मंदिरात शिरल्याच्या कारणावरून कैलास बोराडे यांना तापत्या लोखंडी सळईचे चटके देऊन अमानुष मारहाण करण्यात आली. या घटनेचा धक्कादायक व्हिडीओ व्हायरल झाला असून राज्यभर संतापाची लाट उसळली आहे.
नेमकं प्रकरण काय आहे?
- जालना जिल्ह्यातील आनवा गावातील एका मंदिरात कैलास बोराडे हे शिरले होते.
- यानंतर काही लोकांनी त्यांना मंदिरात का शिरला? असे विचारत तप्त लोखंडी सळईने अंगावर चटके देत अमानुष मारहाण केली.
- या घटनेचा व्हिडीओ सोशल मीडियावर मोठ्या प्रमाणावर व्हायरल झाला आहे.
- पोलिसांनी सोनू उर्फ भागवत दौड या आरोपीला अटक केली असून, त्याचा भाऊ नवनाथ दौड हा तालुका अध्यक्ष आहे.
- पारध पोलीस ठाण्यात या घटनेची तक्रार दाखल करण्यात आली आहे.
एकनाथ शिंदेंचा पीडिताशी संवाद – ‘काळजी करू नकोस’
- या घटनेची दखल घेत उपमुख्यमंत्री एकनाथ शिंदे यांनी जखमी कैलास बोराडे यांच्याशी थेट फोनवर संवाद साधला.
- “काळजी करू नकोस, मी तुझ्यासोबत आहे,” असे म्हणत त्यांना धीर दिला.
- शिंदे यांनी पोलीस अधीक्षकांशी देखील याबाबत चर्चा केल्याचे सांगितले.
राजकीय आणि सामाजिक पडसाद
- या घटनेमुळे राज्यभर संतापाची लाट उसळली आहे.
- जातीय तेढ निर्माण होऊ नये यासाठी पोलिसांकडून सतर्कता बाळगली जात आहे.
- आरोपींवर कठोर कारवाई करण्याची मागणी नागरिक आणि सामाजिक कार्यकर्ते करत आहेत.
ही घटना मानवी क्रौर्याची परिसीमा ओलांडणारी असून, सरकार आणि प्रशासन यावर काय कारवाई करते, याकडे सर्वांचे लक्ष आहे.