गूगल मॅप्स जगभरातील सर्वाधिक वापरले जाणारे अ‍ॅप्सपैकी एक आहे, आणि यामध्ये युजर्ससाठी अनेक उपयोगी सुविधांची भर आहे. परंतु, गूगल मॅप्स वापरण्यासाठी इंटरनेट आवश्यक असते. तरीही, गूगल मॅप्सचे एक खास फिचर आहे ज्याचा वापर करून तुम्ही इंटरनेटशिवायही गूगल मॅप्सचा उपयोग करू शकता. विशेषत: ग्रामीण भागात किंवा अशा ठिकाणी जिथे इंटरनेट कनेक्टिव्हिटी असू शकत नाही, तिथे हा फिचर तुमच्यासाठी फायदेशीर ठरू शकतो.
इंटरनेटशिवाय गूगल मॅप्स वापरण्याची पद्धत
- सर्वप्रथम, तुमच्या Android फोन किंवा टॅबलेटवर गूगल मॅप्स अ‍ॅप उघडा.
- इंटरनेटशी कनेक्ट असण्याची खात्री करा आणि गूगल मॅप्समध्ये साइन इन केलेले असावे.
- आता तुम्हाला ज्या ठिकाणी जायचं आहे ते स्थान शोधा.
- “More” पर्यायावर टॅप करा आणि “Offline Maps” निवडा.
- तुमच्या निवडक ठिकाणाच्या नकाशा डाउनलोड करा. एकदा डाउनलोड झाल्यावर तुम्ही इंटरनेटशिवायही त्या ठिकाणी मार्गदर्शन मिळवू शकता.
तथापि, इंटरनेटशिवाय मार्गदर्शन करताना, तुमच्याकडे ट्रॅफिक अपडेट्स किंवा रिअल-टाइम डेटाचा अभाव असू शकतो.
लोकेशन सेव्ह करा
- गूगल मॅप्स उघडा.
- तुमच्या इच्छित ठिकाणावर जा.
- लोकेशनच्या खाली “Save” बटण दिसेल, त्यावर टॅप करा.
- तुम्ही “Private,” “Favorite,” “Want to Go,” किंवा “Travel Plan” यापैकी एक पर्याय निवडू शकता.
या पद्धतीने तुम्ही गूगल मॅप्समध्ये तुमचं आवडतं लोकेशन सेव्ह करू शकता आणि प्रत्येक वेळी ते शोधण्याची गरज पडणार नाही.