महाराष्ट्राचे मुख्यमंत्री देवेंद्र फडणवीस यांच्या पत्नी आणि प्रसिद्ध गायिका अमृता फडणवीस यांचे नवीन गाणे ‘मारो देव बापू सेवालाल’ नुकतेच प्रदर्शित झाले आहे. सोशल मीडियावर या गाण्याला प्रेक्षकांचा जबरदस्त प्रतिसाद मिळत असून, काही तासांतच हे गाणे तुफान व्हायरल झाले आहे. विशेषतः अमृता फडणवीस यांच्या बंजारा लूक ची मोठी चर्चा रंगली आहे.
गाण्याला सोशल मीडियावर उत्स्फूर्त प्रतिसाद
‘मारो देव बापू सेवालाल’ हे गाणे टी-सीरीजच्या अधिकृत यूट्यूब चॅनलवर प्रदर्शित करण्यात आले आहे. या गाण्याचे गीतकार निलेश जालमकर, तर संगीत दिग्दर्शक कामोद सुभाष आहेत. अमृता फडणवीस यांचा दमदार आवाज आणि हटके अंदाज चाहत्यांना विशेष भावला आहे.
या गाण्याच्या व्हिडिओमध्ये अमृता फडणवीस बंजारा पारंपरिक पोशाखात दिसत असून, त्यांच्या या लूकची सोशल मीडियावर मोठी चर्चा सुरू आहे. चाहत्यांनी त्यांच्या या नव्या अंदाजाचे भरभरून कौतुक केले आहे.
संत श्री सेवालाल महाराज जयंतीनिमित्त गाण्याची प्रस्तुती
हे गाणे संत श्री सेवालाल महाराज यांच्या जयंतीच्या निमित्ताने प्रदर्शित करण्यात आले आहे. यासंदर्भात अमृता फडणवीस यांनी त्यांच्या सोशल मीडिया अकाउंटवर पोस्ट शेअर करत, “मी पुन्हा येत आहे… आपली संस्कृती आणि धरोहर तुमच्यापर्यंत पोहचवण्यासाठी संत श्री सेवालाल महाराज यांच्या जयंती निमित्ताने एक गीत घेऊन येत आहे.” असे म्हटले आहे.
अमृता फडणवीस – बँकर ते गायिका आणि सामाजिक कार्यकर्त्या
अमृता फडणवीस या केवळ प्रसिद्ध गायिका नसून, त्या बँकर आणि सामाजिक कार्यकर्त्या देखील आहेत. त्यांचा सोशल मीडियावर मोठा चाहता वर्ग असून, इन्स्टाग्रामवर त्यांना 1.1 मिलियन फॉलोअर्स आहेत. त्या कायमच आपल्या कलागुणांमुळे चर्चेत असतात आणि त्यांच्या नवीन उपक्रमांची झलक सोशल मीडियावर शेअर करत असतात.
चाहत्यांकडून प्रचंड उत्साह
गाण्याच्या अनोख्या संकल्पनेमुळे आणि अमृता फडणवीस यांच्या वेगळ्या अंदाजामुळे ‘मारो देव बापू सेवालाल’ ला नेटिझन्सकडून मोठ्या प्रमाणात प्रतिसाद मिळत आहे. काही तासांतच हे गाणे सोशल मीडियावर ट्रेंडिंग झाले असून, प्रेक्षक त्याचा आनंद घेत आहेत.
तुम्ही हे गाणे ऐकले का? तुमचा अनुभव आम्हाला जरूर कळवा!